واحدة مخطوبه والدها توفى فجاءة..
اتصلت بخطيبها بلغته الخبر ! قالها "البقاء لله " وقفل
وبعد اسبوع اتصل .. قالها كنت مستنيكي تهدي عشان نعرف نتكلم قالتله خلاص كل شئ قسمة و نصيب(اما افتكر..) 
_مره واحد كان بيعمل ذنوب على طول..وقال قررت أتوب من بكره .............. بس مااات 
_كلنا عارفين حكاية الاتنين الجيران اللي حبوا بعض من غير ما حد يقول للتاني .. ولما أخيرا هو قرر يتحرك لقها اتخطبت(اصله اتأخر) 
_ شوف كام حد قولت هصحى أكلمه - هصالحه - هروحله - هجيبله .. واتأخرت لحد ما ضاع الوقت
طب شوف كام مره استنيت رسالة من حد .. رنة .. زيارة .. دعوة .. ضحكة ..... وبتمشي لما تلاقيه اتأخر (وقت الشغف راح) 
_هو إحنا ليه دايما متأخرين،،ليه بنستنى لما الزعل يخلص والعتاب يبقى بارد والفرحه تبقى حامضة والضحكة تبقى باهته ! ..
ليه بنستنى لما الحبال #تدووووووب 
ي نكون قد العلاقات اللي بندخلها ي بلاش ندخلها أصلا ..
سواء صداقة .. أخوة .. قرابة .. زواج .. ارتباط .. أيا كان هتسموها إيه 
ي تقدروا المكانة اللي الناس بيحطوكم فيها ي تسيبوا المكان لحد أولى منكم يشيله ويشيل #مسؤوليته 
_ متاخرش رد ، ولا عتاب ، ولا شكر ، ولا توبة لله، ولا حقيقة ، ولا مصارحه .. بلاش نحس بقيمة الحاجه بعد ما تضيع مننا
واعرف انك لو ضمنت وجود الشخص ف حياتك ف انت أصلا 
مش_ضامن_حياته